BRO Dardanapress adiekrgya truyali mez ani tema “Diskusia mashkar nabuderune komunitetya thay institucia”!

Biraipkani organizacia Dardanapress kotar e Kamenica koya sitoy vastuni e grantesko e Ofisesko vash komunitetya ano 2024 bersh, phiravgya poro aktiviteti, organizingya truyali mez vash o haricune komunitetya te vakeren vash o sherune problemya  kolencar arakhlona sar si: edukipe thay butyaripe e romane komunitetesko.

Yekh kotar rekomandipya ano kedipe sine o organizipe e profesionlaune kursengo vash siklipe e ververutne janipyengo. Ayekha vi, mothavde vi o lugyarde socialuen problemya sar si registripe e dizunengo, socialune servisya thay laqharipe e thanipesko, vay olengo beshipesko than.

Kotorleutne akale kedipesko sine reprezentya e komunitetengo, reprezentya e komunake ofisyengo sar so si ofisi vash manushikane hakaya thay ofisi vash polyuno yekhipe, leindoy kotor  vi lokaluni organizacia e civilune malipesko LULUDI.

Pe lugipe siton fotogradie e kedipeske: